牛杂，作为顺德人，乃至广东人最喜爱嘅街头小吃之一，当然要“贴地”感受，然后请埋啲街坊试试佢啦~
唔讲咁多，即刻去片！
（疯狂点击视频☝️）
正所谓“牛杂滚一滚，神仙企唔稳。”
牛杂到底几多杂？牛杂有：牛肚、牛肠、牛筋、牛肺、牛腩等，配上白萝卜、面筋，直头系最佳搭档。
米讲咁多，即刻带你一齐寻味一下容桂、大良嘅最出名嘅牛杂。
呢个系一家隐藏系大良街道，人气爆棚嘅家庭小作坊，门面细细地，如果冇熟客带路系好难揾到噶。
米睇佢咁细一间，但系品种多，牛杂都好入味，食完唇齿留香，仲有3种唔同嘅酱料搭配牛杂，阿姨仲超级nice！
地址：顺德大良新滘东路（信用社旁）
呢间牛杂店比较有个性，系冇名噶，开系靓鸥杂附近，可以算系“劲敌”了，人气亦都系好火爆喔，生意超级好，牛肚很爽口。
不过听讲下午先开档，过了6点半就收工了。
地址：顺德大良新滘东路（大良新滘东路新滘幼儿园对面）
“排队王”细妹五香牛杂，一般下午2点半开门，6点左右关门，价格以30、40、50为准，有啲小贵呀，不过物有所值啦。今次买到嘅牛杂只有牛肚和牛肠两种，秘制嘅牛杂汤底，煮得好入味，牛杂颜色好深，一睇就好有食欲。
地址：顺德大良华盖里直街信发楼3号铺，即清晖园停车场直入
儒子牛杂算系一家连锁牛杂店，系顺德很多地方都可以见到。不过有啲小贵呀，细细盒就已经十几蚊了。
地址：顺德大良嘉信城市广场内
牛魔王已经系全国餐饮连锁店，但系老板唔俾拍，咁只可以同大家讲解下了。
呢间嘅牛杂同其他牛杂唔一样嘅地方就系：佢系金黄反咖喱色噶，睇起身就系咖喱牛杂嘅样，唔知食起身咩味道呢。
地址：顺德容桂千禧广场
最初的萍姐牛杂系手推车仔档，串街走巷来卖牛杂嘅，后来先有嘅店面。已经系一间十几年老店了，系容桂只要提到萍姐牛杂，基本上都知道系边度了。
口味一直都好唔错噶，牛杂处理得好干净，闷得好入味，配菜都好多，回头客都特别多。
地址：顺德容桂宏骏广场三匹马建筑旁路直入
呢间牛杂店都有好多年的历史了，开系宏骏广场一楼背面地铺，周末好多学生都会嚟呢度解决午餐或着晚餐噶。
地址：顺德容桂凤祥南路26号宏骏广场F1层
而最后呢间牛杂店就隐藏系一堆普通嘅住宅房之间，门前一部手推车仔，阿姨就系车旁卖牛杂。呢度嘅牛杂系屋里面用煤炉上一口小锅做嘅，有三种酱料可以搭配，其中海鲜酱仲系阿姨自己整嘅。
阿姨总系好热情咁称呼女性为“阿妹”，呢度冇招牌，但只要一问阿姨牛杂，大家就知道系边了。
地址：顺德容桂红光街二巷（即新华书店旁路进去）
不过依家啲车仔档已经少之又少了，可以同朋友一起食住牛杂，吹下水，倾下彼此有趣嘅事，笑一笑咁过完一日，都系人生中一件好幸福嘅事嚟噶。
好喇，今期测评又系时候同大家讲拜拜了，顺德好食嘅牛杂又点止呢啲呀~仲有边间好食嘅欢迎大家留言补充啦！（我系留言区等你~）
设计️ / 表妹
编辑✏️ / 表妹
视频 / 千食录
声明：易商讯尊重创作版权。本文信息搜集、整理自互联网，若有来源标记错误或侵犯您的合法权益，请联系我们。我们将及时纠正并删除相关讯息，非常感谢！
