顺德妹说：
顺德人出名奄尖又识食
呢间开在顺德工业区不起眼的老店
二十几年来专做刁钻美食
百几条大头鱼，只得一碟鱼头筋！
仲有咩溜愣嘢食？
顺德妹马上一探究竟！
百几条大头鱼，只得一碟筋
如果唔系奄尖识食嘅老厨
估计冇人发掘得到如此溜愣嘅食材
鱼头的上颚有一条隐藏嘅软骨
将外面层鱼皮剥干净
就可以见到鱼头筋嘅真面目
新鲜嘅鱼头筋在自然光的照射下
显得晶莹剔透“腊腊靓”
鱼头易见，但鱼头筋不易得
每一条筋都要纯手工落足心机剥出来
只有四五斤重以上的大头鱼先有呢条筋
每条鱼净得一条咁样嘅筋
越大越新鲜嘅鱼头
鱼头筋就越大条，颜色越通透
百几条足够重嘅大头鱼
加加埋埋净系够整一碟鱼头筋
鱼头筋仲有一个意味深长嘅名
叫做“海底芽菜”
顺德妹觉得有90%嘅相似度
唔讲可能你都好似顺德妹咁懵醒醒
分唔出边条系菜边条系筋
蒸熟嘅鱼头筋依然爽脆
咬起来“喇喇”声，卜卜脆
口感新奇又过瘾
肉眼可见嘅骨胶原
可以话一点都唔输大鱼翅
嗦尽滴酱汁，咬碎之后
会隐隐约约感受到些少鱼腥味
做法看似简单，但系标叔话
溜愣嘅味道在于把控蒸嘅时间和酱料配制
其中一样变佐，就唔系呢个味道了
二十多年专做刁钻美食
塘鲺须
对！你冇睇错亦冇估错
呢味餸就系塘鲺鱼嘴边嘅几条胡须
比较趣致嘅系
长长的胡须蒸熟后会缩埋一齐
睇落去就好似一碟黑虫
入口就好似嗦面咁滑
咬落去又系爽爽脆脆嘅口感
鲮鱼肠
鲮鱼肠味道简直令人惊艳
可蒸可煎
清蒸嘅鲮鱼肠入口即化
满口留香，捞饭食真系一流
一条鲮鱼只得一瓷羹咁多
顺德妹细个嘅时候仲同班姐妹争住食
呢一碟嘅份量起码都有十几廿条鱼嘅肠仔
一啖啖停不下来，饭都食多几碗！
鱼春
一粒粒金黄金黄嘅水鱼春
就好似一个个缩小版嘅咸蛋黄
睇落神似鲍鱼嘅黄鱼春
口感硬硬实实
咬开一粒粒有种磨砂嘅感觉
味道有滴特别，很甘香
溜愣美食，客似云来
标叔就话：
想食刁钻美食要睇缘分
撞啱有食材啊日来到先有得食
所谓物以稀为贵
各种溜愣食材并唔系日日都有
老熟客也很随和
嚟到有咩食咩，从不挑剔
可能有人话咪就系滴垃垃杂杂嘅嘢
有咩咁巴闭？
但系集齐咁多刁钻嘢，又要煮得惹味
唔系去边度都可以食得到
地址：
顺德区北滘镇
河堤大道北滘居委工业区内
标 记 好 食
顺德妹探店tips：
好食又溜愣！
如果系为佐专程过来食滴刁钻美食，
可以提前打电话问下当日有冇食材，
以免扑空。
来源：顺德妹
声明：易商讯尊重创作版权。本文信息搜集、整理自互联网，若有来源标记错误或侵犯您的合法权益，请联系我们。我们将及时纠正并删除相关讯息，非常感谢！
