尖东海傍一向系饮嘢圣地，新开“Mulino”就反行其道主打精致地中海菜&炭火烤肉，并由埃及烹饪总监Mohamed Hegazy、摩洛哥籍行政总厨Faycal El Moujahid主理。二人早于2010年杜拜豪华酒店工作认识，估唔到喺香港都有机会试到二人手艺。
总厨Faycal El Moujahid有感尖东海傍好少坐低食饭嘅地方，希望大家喺度可以一边享受烤肉海鲜、一边饮嘢relax吓。
“Mulino”有宽敞户外座位。
室内则充满异国航海气氛。
【炭炉烤肉】
香港人可能对中东菜有啲陌生，其实奶酪、乾酪、海鲜都系常见食材，香浓健康。当地人夜晚就钟意食烤肉饮酒，呢度更设厚木炭明火炉，全部烤肉即叫即烧有种独特炭味㗎。
私心推荐烤肉Arabic Lamb Kofta，系阿拉伯做法烤免治羊肉，嗰种惹味肉香好少喺香港食到。
(左)Middle Eastern Grilled Chicken Skewer、(右)Arabic Lamb Kofta
全部烤肉用真炭炉即叫即烧。
Lamb Rib Cumin
原来地中海菜好常用孜然调味㗎，用于佢哋最拿手嘅烤羊肉上更惹味。呢个羊排系用羊肋位，肉质劲软嫩～最爽食法系直接用手拎起羊架咬，羊肉嫩到一咬离骨。
【海鲜】
Freshly Shucked Oyster
呢度有多款红白酒、Cocktail，配埋即开生蚝都几chill。每季都会引入唔同时令生蚝，呢几个月主要就系法国生蚝。
Royal Seafood Tower
佢哋嘅Seafood Tower都好丰富，饮白酒必点～有新鲜龙虾、帝王蟹、蓝青口、新鲜即开生蚝同粉红大虾，配柠檬、Cocktail & Mignonette Sauce。
【专人料理】
Seafood Carta Fata
热辣辣炖煮海鲜、香草同罗勒番茄酱会放于密封胶袋中，上枱时专人即席剪开，香味即刻涌出嚟呀～放心胶袋系耐高温，适合焗煮㗎。
Tableside Mutable
呢款系经典中东料理，几乎每间餐厅都有自己独特配料嘅Tableside Mutable。喺度更有专人喺你面前即席制作，将烟燻Aubergine茄子压成蓉，再混入芝麻酱、橄榄油等，最后洒上各种蔬菜水果，口感软绵绵㗎。
【香浓前菜】
其实地中海菜好健康，当地人擅长将水果、蔬菜、果仁、乾酪入馔，好啱作为晚餐前菜。
Burratina
呢度有唔少素食料理，想go green吓都得。呢道Burrata就将软滑水牛乾酪，配上无基因改造番茄、桃、陈年醋同罗勒。最惊喜桃片都有轻轻炭烧过，有种独特烟燻味。
Zaatarbeets Salad
望落同我哋食开嘅沙律好唔同，系将红菜头片铺满碟上，再洒上
菲达乾酪、杏仁碎同橙。将红菜头夹住配料一齐食，清甜得嚟又有乾酪同果仁嘅咸香，好有层次。
Vitello Tonnato
估唔到前菜嘅慢煮牛肉都好出色，将牛肉最嫩嘅Veal Loin位慢煮，牛肉嫩到好似喺口中融化咁～记住沾埋吞拿鱼酱、刺山柑一齐食，口感更浓郁。
Shrimp Scampi
前菜亦有呢道香煎虎虾，配上香蒜白酒汁，食落少少香辣好醒胃。
【人气主菜】
Risotto Verde
主菜都有素食选择，呢道义大利饭以荷兰豆、水牛乾酪煮制。简单清雅，creamy口感食完好满足。
Pappardelle Ragu
义大利面则推荐牛面肉入馔嘅阔面。牛面肉煮到劲软腍，上枱时专人更会帮你压开牛肉，可以望到真系劲嫩㗎～
Rustic Italian Oxtail Stew
本身以为系一般牛尾，但一入口涌出嘅超浓牛香真系好深刻。牛尾用西西里番茄酱炖煮，肉质变腍时再加意式香草、番茄酱一齐煮劲入味。
Baked Aubergine Roll
平时好少食到嘅烤茄子卷，配埋薯蓉、义大利番茄酱、巴马臣乾酪一齐食，口味劲地道。
【即调鸡尾酒】
呢度仲有多款Cocktail打卡～
大玩仙气Smoky Mill。
(左)Pironette、(右)Cocktail of the Month(每月不同)
声明：易商讯尊重创作版权。本文信息搜集、整理自互联网，若有来源标记错误或侵犯您的合法权益，请联系我们。我们将及时纠正并删除相关讯息，非常感谢！
